അടൂര്: യുഡിഎഫ് ഭരണത്തിലെത്തിയ അടൂര് നഗരസഭയില് കോണ്ഗ്രസിലെ റീന ശാമുവേല് അധ്യക്ഷയാകും. വൈസ് ചെയര്മാന് സ്ഥാനത്തേക്ക് ഡി. ശശികുമാറിനെയാണ് നിര്ദേശിച്ചിരിക്കുന്നത്.
തര്ക്കങ്ങള്ക്കൊടുവിലാണ് അടൂര് നഗരസഭയിലെ വീതംവയ്പ് അവസാനം രമ്യതയിലെത്തിയത്. സീനിയര് കൗണ്സിലറായ റീനാ ശാമുവേല് അഞ്ചുവര്ഷവും ആവശ്യപ്പെട്ടിരുന്നു. എന്നാല് ഇത് മൂന്നുവര്ഷമായി പരിമിതപ്പെടുത്തിയപ്പോള് സ്ഥാനം രാജിവയ്ക്കുമെന്ന് അവര് ഭീഷണിപ്പെടുത്തി.
ചര്ച്ചകള്ക്കൊടുവില് റീനയ്ക്ക് ആദ്യ മൂന്നുവര്ഷവും പിന്നീടുള്ള ഓരോ വര്ഷം പ്രീതു ജഗത്, മുംതാസ് എന്നിവര്ക്കായി നല്കും. വൈസ് ചെയര്മാന് സ്ഥാനം ആദ്യം ഡി. ശശികുമാറിനാണ്. പിന്നീട് ബിജു വര്ഗീസ് സ്ഥാനത്തെത്തും.
13 ാം വാര്ഡ് കൗണ്സിലറായ റീന ശാമുവേല് ഇത് മൂന്നാംതവണയാണ് കൗണ്സിലറാകുന്നത്. 12 ാം വാര്ഡ് കൗണ്സിലറായ ശശികുമാറിന്റെ കൗണ്സിലര് സ്ഥാനത്തെ നാലാം ടേമാണ്.
Deepika
E-paper LOGIN
LOGIN
